Орал қаласының білім беру бөлімінің «Оқушылар сарайы» мемлекеттік коммуналдық қазыналық кәсіпорыны – 2016 жылдың 13 желтоқсанында құрылып, Қазақстан Республикасы Тәуелсіздігінің 25 жылдығына орай ашылған көпбейінді қосымша білім беру мекемесі. Мақсаты:балаларға, жасөспірімдер мен жастарға әлеуметтік, білім беру және сауықтыру іс-шараларда әртүрлі бағытта өздерінің қызығушылықтары мен қабілеттерін іске асыруға мүмкіндік беретін көпбейінді қосымша білім беру.

Қаржыландыру құрылымы – жергілікті бюджет. Жалпы ауданы – 17 477 шаршы метрді құрайды.

Ғимарат 73 кабинет орналасқан 4 қабатты 6 блоктан тұрады. 1-қабатта орналасқан Атриум арқылы 200 орындық көрермен залына, оқу кабинеттеріне, 45 орындық планетарий, обсерватория, бассейн, жасанды мұз айдыны, көпсайыс, жеңіл атлетикалық манеж, шахмат, тоғызқұмалақ, үстел теннисі залдарына жол ашылады. 200-ден астам оқушыны жаттықтыратын бокс орталығына олимпиада чемпионы Данияр Елеусіновтың есімі берілген.

Оқушылар сарайында мыңдаған жасөспірімдерге сабақтан бос уақытта шығармашылық жұмыстармен айналысуға мол жағдай жасалған. Ғимараттың 1-қабатында «Қысқы бақ» демалыс аймағы, 80 орындық асхана, медициналық кабинет, Хай-тек орталығы орналасқан. 

2019-2020 оқу жылына жалпы саны 6-17 жас аралығында 2 477 оқушы қабылданды.

Биылғы оқу жылының жаңашылдығы – «Балапан» мектепке дейінгі даму орталығының ашылуы. Онда мектеп жасына дейінгі балаларға сауат ашу, ағылшын, тіл дамыту, логика, сурет сабақтары жүргізіледі және бассейнде суға жүзуге үйренеді.

53 түрлі үйірме 5 бағытта жұмыстанады: спорттық, өнер-шығармашылық және пәндік-техникалық, «Хай-тек» орталығы, «бассейн».

Бағыттары: