Үстіміздегі жылдың  27 қаңтарында  «Жас экономист» үйірмесінің жетекшісі Ауелбаева Н.Ж. «Көңілді экономика» атты экономикалық ойын сабағын өткізді. Ойынға «Жас экономист», «Жас математик» үйірмелерінің оқушылары қатысты. Сабақтың мақсаты: білім алушыларды күнделікті өмірге қажетті экономикалық терминдердің мағынасымен таныстыру; танымдық белсенділіктерін дамыту, топпен жұмыс істеуге үйрету, табиғи ресурстарға ұқыптылықпен қарауға тәрбиелеу. Оқушылар әртүрлі ойындар ойнады: экономикалық есептер шығару, викториналық сұрақтарға жауап беру, экономикалық терминдерді табу, экономикалық сөзжұмбақтар, анаграммалар шешу, жарнамалар жасау. Сабақ соңында оқушылар шығу парақтарына сабақтан алған әсерлерін, ұсыныс-пікірлерін жазды. Ойынға белсене қатысқан оқушылар алғысхаттармен марапатталды.